ရုပ်ပျိုကိုယ်နုစေမည့် ရှီးပဒီးပင်

ရုပ်ပျိုကိုယ်နုစေမည့် ရှီးပဒီးပင်

ပုံမှာမြင်ရတဲ့ ဆေးမြစ်ကို ဆောင်းပိုးနွေမြက်ပင်၊ ပိုးဆေးနွယ်ရှင်ပင်၊ ရှီးပဒီးပင် စသဖြင့် ခေါ်ဆိုကြပါတယ်။ အင်္ဂလိပ်လို Cordyceps လို့ခေါ်ပါတယ်။ Google မှာ ရိုက်ကြည့်လိုက်ရင် အဲဒီဆေးပုံနဲ့ ဆေးအကြောင်းကို စုံလင်စွာ ဖတ်ရှုနိုင်ကြပါတယ်။

မြန်မာလို ဆောင်းပိုးနွေမြက်၊ ကချင်လို ရှီးပဒီးဆိုတဲ့ ဒီအပင်ဟာ မြန်မာပြည်မြောက်ဖျား ကချင်ပြည်နယ်၊ ပူတာအိုဒေသမှ ပေပေါင်း တစ်သောင်းကျော်မြင့်မား၍ ဆီးနှင်းများ၊ ရေခဲများဖုံးလွမ်းနေသည့် ခါကာဘိုရာဇီတောင်ထိပ်၊ ဂမ်လန်ရာဇီတောင်ထိပ်၊ တိဘက်-မြန်မာတောင်ထိပ်နှင့် နီပေါနိုင်ငံ ဧ၀ရတ်တောင်ထိပ်တို့မှာ ပေါက်ဖွားကြပါတယ်။ ရှီးပဒီးပင်ဟာ ဆောင်းပိုင်း ၆ လမှာ အသက်ရှိတဲ့ပိုးကောင်အဖြစ် ရှင်သန်နေပြီး လူတို့၏ ကျန်းမာရေးကို များစွာအထောက်အကူပေးသော မဂျစ်ဥ၊ ခမ်းတောက်မြစ်တို့ကိုစားသုံးကာ နွေပိုင်း ၆ လတွင် မြက်ပင်အဖြစ် ပြောင်းလဲသွားကြပါတယ်။ ဒါ့ကြောင့် ဆောင်းပိုးနွေမြက်လို့ ခေါ်တွင်ကြပါတယ်။

ရှီးပဒီးမြစ်ကိုစားသုံးလျှင် ရုပ်ပျိုကိုယ်နုစေတယ်လို့ ဆေးပညာရှင်များက လက်ခံလာကြပြီး ကမ္ဘာအနံ့တွင် ရှီးပဒီးဖြင့်ထုတ်လုပ်ထားသော ကာမအားတိုးဆေးများ၊ နှလုံးအားတိုးဆေးများ၊ အကြောအားဆေးများ စသဖြင့် ဆေးမျိုးစုံကို ထုတ်လုပ်နေကြတဲ့အတွက် ဈေးကွက်တွင် အလွန်ရောင်းအားကောင်း၍ ရှားပါးဆေးဖက်ဝင်အပင်သို့ ရောက်လာနေပါပြီ။ ပူတာအိုဒေသခံအချို့ ရှီးပဒီးဥကိုလိုက်ရှာပြီး ရောင်းကြရာမှာ ယခုအခါမှာ တစ်ဥကို ကျပ်ငွေ တစ်သောင်းခွဲသို့ရောက်နေပြီး တစ်ပိဿာကို အမေရိကန်ဒေါ်လာ US 30000 အထိရှိတယ်လို့ သိရပါတယ်။

ကိုရီးယား၊ ဂျပန်၊ တရုတ်၊ ထိုင်း၊ အိန္ဒိယ၊ ဟောင်ကောင်၊ ထိုင်ဝမ်တို့မှလည်း ရှီးပဒီးဥဖြင့် အားတိုးဆေးမျိုးစုံကို ထုတ်လုပ်နေကြတဲ့အတွက် ဈေးကွက်တွင် ရောင်းအားမြင့်တက်နေကြောင်းလည်း ကြားသိရပါတယ်။ နီပေါ၊ တိဘက၊ တရုတ်တို့မှထွက်ရှိတဲ့ ရှီးပဒီးထက် မြန်မာပြည်မြောက်ပိုင်းမှထွက်ရှိတဲ့ ရှီးပဒီးဥများက ဆေးစွမ်းပိုမိုထက်မြက်သည့်အတွက် ဈေးနှုန်းမှာလည်း အမြင့်ဆုံးလို့ သိရပါတယ်။

ကချင်ပြည်မှ ဆိုးရိုးစရားတစ်ခုမှာ “ နွယ်မြက်သစ်ပင် ဆေးဖက်ဝင်၊ မသိသူကျော်လွှား သိသူဖေါ်စား၊ ရုပ်ကလေးရယ်ပျိုစေလုို မနောမြေကုိုခုို ” လို့ ဆိုထားပါတယ်။

ဆေးသုံးစွဲပုံ -

၎င်းရှီးပဒီးဥသည် အလွန်ခါးသက်တဲ့အရသာရှိတဲ့အတွက် အရက်ထဲစိမ်ထားပြီး သောက်ရပါတယ်။ အချို့ကတော့ အမှုန့်ပြုလုပ်၍ ၄င်းဆေးမှုန့်ကို အနည်းငယ်စီ စားသုံးပေးကြပါတယ်။

သဘာဝကပေးတဲ့ ဆေးဖက်ဝင်အပင်များဖြင့် ကျန်းမာစွာ အသက်ရှည်နိုင်ကြပါစေကြောင်း ရေးသားမျှဝေပေးလိုက်ပါတယ်။

စောနွဲ့ နေဆိုင် (ပူတာအို)
ကိုးကား - Cordyceps For Your Long Life

Saw Noi Nay Saing - Putao

.