ယင်မနားဆေးများ ဖျန်းထားသည့် ငါးခြောက်များကို စားသုံးမိလျှင် လေဖြတ်ခြင်း၊ အာရုံကြော ထိခိုက်ခြင်းနှင့် ကင်ဆာရောဂါ များ ဖြစ်နိုင်ကြောင်း စားသုံးသူ ကာကွယ်ရေးအသင်း ဥက္ကဋ္ဌ ဦးဗအုပ်ခိုင်၏ ပြောကြားချက် အရ သိရသည်။
ထို့အပြင် ပြည်တွင်းရှိ ငါးခြောက်များတွင် ယင်မနားဆေးများအား လွန်ခဲ့သော ၁ဝ နှစ်ကျော်မှ စတင် အသုံးပြုနေခဲ့ကြပြီး ယခုအခါ စားသုံးသူများဘက်မှ အသိပေး တိုင်ကြားမှုများ ရှိသောကြောင့် ဈေးများတွင် ရောင်းချသည့် ငါးခြောက်များအား ဝယ်ယူစစ်ဆေးရာမှ ယင်မနားဆေး သုံးထားကြောင်း တွေ့ရှိခဲ့ရခြင်းဖြစ်ကြောင်း သိရသည်။
''ဒီဆေးသုံးနေတာက ကြာပါပြီ။ အခုမှ စားသုံးသူတွေဘက်က တိုင်လာလို့ အစားအသောက်နှင့် ဆေးဝါး ထိန်းချုပ်ရေး အဖွဲ့ကို တိုင်ကြားပြီး စစ်ဆေးခဲ့ တာပါ။ ဒီငါးခြောက်စားရင် ကင်ဆာနဲ့ အာရုံကြော ထိခိုက်လေဖြတ်တာတွေ ဖြစ်နိုင်ပါတယ်'' ဟု စားသုံးသူ ကာကွယ်ရေးအသင်း ဥက္ကဋ္ဌ ဦးဗအုပ်ခိုင်က ပြောသည်။
ထို့အပြင် ယင်မနားဆေး သုံးထားမှုရှိ၊မရှိကို အမြင်အားဖြင့် ခွဲခြားရ ခက်သော်လည်း ယင်မနားဆေး ဖျန်းထားသော ငါးခြောက်များအား စားသုံးရန် မသင့်ကြောင်း၊ ဧရာဝတီ မြစ်ဝကျွန်းပေါ်ဒေသ၊ ရခိုင်ပြည်နယ်နှင့် တနင်္သာရီ ကမ်းရိုးတန်း ဒေသရှိ ငါးခြောက်လုပ်ငန်း အချို့တွင် ငါးခြောက်များကို ယင်မနားဆေး စိမ်ထားတတ်ကြောင်း သိရသည်။
No comments:
Post a Comment